الزجال عبد الحق خدرا

//اللازمة//

حْــمَــدْتَكْ يـَـا رَبِّي وَشْكُــرْتَكْ *** يـَـــا رَافــَـعْ اسّْمَــا يَــا عـَـظِيـمْ الشَّــانْ
حْمَـــدْتـَـــكْ يـَـــا رَبّْي وَشْكُــــرْتــَـكْ
************
//القسم الأول //

أَنـَـا عَــبْدَكْ الضّْعِيفْ أُوفـَـانِي*** كُونْتْ صْحِيحْ وَالْيُومْ سَقْطَتـْـلِي لَبـْــدَانْ

نْحِيـفْ مَنْ الْمَرْضْ وَنــْعـَـانِي*** لاَ جُــهْـــدْ لاَ قـُــوَّة دَبْـلَــتـْــلِي لَعْــيـَــانْ

لاَ نـُـومْ يْــزُورْلِي فـَـاعْـيَــانِي*** نـَـبـْــني وَنـْــعَــلِّي وَنــْسَـافـَـرْ سَرْحَــانْ

كْشَفْتْ بَعْـــدْ كُـونـْـتْ قِـقـَـانِي*** وْحَتـَّـى مَـنْ كـْلاَمِي هْـــرَبـْـلـُـو لـَــوْزَانْ

دْعَـــايـَــا لِيكْ يَــا رَحْــمَـــانِي*** مَــــنْ عَــلْتـِـي اعْــفـُــو يـَاخَــالَقْ لَكْوَانْ

مَـــرْضْ جْـــدٍيـــدْ أُسَــامَنـِـي***طـَــبَّــا كَـــشْفــُـوهْـلِي بْــإِسْمْ سَـرَطـَـــانْ

// القسم التاني //

رَبـِّـي بَــارْضَــاهْ عْطـَـانِي*** فــَــالــدَّنْيــَـا نـْــمُــرّْ فـَـالَمْتـِحَــانْ
بَــالطَّبـَّـــا كْفــَـاءْ هْــدَانِي*** شَــبَّـــاتْ وْشَبــَّـــــــانْ قــْــــــرَانْ
اشْجِـــيعْ بــَالصّْبـَرْ لْقـَـانِي*** قـْــــِوي وْمَتـْــشَبـَّـتْ بـَــالإِيـــمَانْ
رَبــِّــي هُــو مَنْ عْطــَــانِي*** مَــــنْ بَعـْـــدْ حَتــَّـى شِي مَـــاكَـانْ
بَالــدّْوَى وَالْعَــزْمْ شْفـَـانِي*** وَشْفِيتْ وَسْلَكْتْ مَنْ التَّعْبْ أُلَمْحَانْ
                                *************

//القسم الثالث//

حَـــقــِّي فـَـالـدَّنْيَا جَانِي *** وْلَحْــبِيــــبْ فـَــالْحَـــزَّاتْ يْـبَــــانْ
بَـا لطَّبـَّـا رَانــِـي عَـــانِي*** دَرْسُـــو مَــــرْضِي حَــتـَّـى بـَــــانْ
لْعَــــزّْ وَالنّْصَرْ لْسُلْطَانِي*** يْحَـــضَّـــرْ الـــدّْوَى فـِــكـُـــلّْ آوَانْ
وَلـْــــدْ الْخِـيرْ وإنْسَــانِي*** بْــشَعْبـُـو يْحَسّْ مَـا يـْتَرْكُو لَمْحَـانْ
نـَـدْعِي الَّجْلِيــلْ الْغـَـــنِي*** يَشْفِي كُــلّْ مَنْ مِْريضْ بَالسَّرَطَـانْ
***************
//القسم الرابع//

مَــنْ بَعْدْ الْمَرْضْ شْفـَانِي*** ذَهْـــبَــاتْ كًّــاعْ عَــنِّي لـَـحْــزَانْ
وَرْجَعـْــتْ لَحْبَــابِي ثـَـانِي*** بْجَــــــاهْ الـَــكْـِريمْ الـــرَّحْـمَـــانْ
وْصَـايْتـِــي لَـلـِّـي يَلـْقـَانِي*** يـَـصْبـَــرْ ِويـْنـَـــادِي يـَـا مَنــَّـانْ
عْــيَالْ رْجَــالْ وْنَسْـــوَانِي*** مَنْهُـومْ لـَكْهـُولْ أُوشُبـَّانْ أُصَبْيَانْ
يَـقْــرَاوْ كْتـَـابْ لْقـُــرْءَانِي*** مَــنْ قْرَاهْ يَبْرَى مَنْ السَّـرَطـَــانْ

//القسم الخامس //

وَسْلاَمِي لْكُلّْ مَنْ يَصْغَانِي*** مْـِـريضْ كَــانْ صْحِيحْ فـَالَبْــدَانْ
يَحْمَدْ بَالْجَهْرْ أُوفَالْكَتْمَانِي*** يَشْفَى مَنْ الْمَرْضْ بْجَاهْ الْمَنـَّـانْ
شَــلاَّ أيَّــامْ كُونْتْ نْعــَــانِي*** فِيــَّـا يــْحَـلّْـلُو لَعْجَامْ أُوعَـرْبـَـانْ
خُدْرَا اسمي يــَالَخْــوَانِي *** عبدالحق مَا ذْكُرْتْ بَادَلِيلْ أُوبَرْهَانْ

نـَـدْعي الَّجْلِيلْ الْغـَـنــِــي *** يَشْفِي كُلّْ مَنْ مْـِريضْ بَالسَّرَطَانْ